ಮನದ ಭಾವನೆಗಳ ಬಣ್ಣಿಸಿದ ಬಾನಿನ ಬಣ್ಣಗಳು

ಮುಂಜಾನೆಯ ಮಂಜಲ್ಲಿ ದಿಗಂತದ ಆಚೆ ಎಲ್ಲೋ ತಂಪಾಗಿ ಮಲಗಿದ್ದ ನೇಸರ..
ಕೆಂಪಾಗಿ ಎದ್ದು ಬರಲು ಮನದಲಿ ಹೊಸ ಹುರುಪು ಮರೆಯಾಯಿತು ಬೇಸರ :)

ಪ್ರಜ್ವಲಿಸುತ ಸೂರ್ಯ ನೆತ್ತಿ ಮೇಲೇರಲು ಶುಭ್ರ ನೀಲಿಯಾಯಿತು ಆಗಸ
ಸಾಧನೆಯ ಮೆಟ್ಟಿಲೇರುತ ಮನವು ಹೊರಟಿತು ನನಸು ಮಾಡಲು ಕನಸ !!

ಆಗೊಮ್ಮೆ ಈಗೊಮ್ಮೆ ಕಾರ್ಮೋಡದ ಕಪ್ಪು ಮಾಯೆ !!
ಆಂತರ್ಯದಲಿ ಸೋಲಿನ ಭೀತಿ ದುಃಖ ದುಗುಡದ ಕಹಿ ಛಾಯೆ ..

ಮತ್ತೆ ಆಕಾಶಕೆ ಕೆಂಪು ಓಕಳಿ ಎರಚಿದ ಮುಸ್ಸಂಜೆಯಲಿ ಆದಿತ್ಯ :)
ಆಗುಹೋಗುಗಳ ಅವಲೋಕನದಿ ಸಮಾಧಾನವ ಹುಡುಕುತ ದಿನದ ಅಂತ್ಯ ...

ಇರುಳಾಯಿತು ಬಾನಿನಲಿ ಎಲ್ಲೆಯಿರದ ಕಪ್ಪು ಬೆಳುಪಿನ ಚಿತ್ತಾರ
ಹಳೆ ನೆನಪುಗಳ ಹೊಸ ಕನಸುಗಳ ಪೋಣಿಸುತ ಮನಸು ಮುತ್ತಿನ ಹಾರ :)

ಅಮ್ಮ ....

ನಿನ್ನ ಕಣ್ಣ ಬೆಳಕೇ ನನಗೆ ದಾರಿದೀಪ ,
ಕಷ್ಟಗಳ ಸಮುದ್ರದಲ್ಲಿ ಈಜುತ್ತಿರುವಾಗ ನೀನಾದೆ ದ್ವೀಪ ;

ನಿಸರ್ಗವೇ ನಿನ್ನಯ ಪ್ರತಿಬಿಂಬ ,
ನಮ್ಮ ಕುಟುಂಬಕ್ಕೆ ನೀನೆ ಆಧಾರ ಸ್ಥಂಭ ;

ಈ ಜನ್ಮ ನೀ ಕೊಟ್ಟ ಭಿಕ್ಷೆ ,
ನಿನ್ನ ಪ್ರತಿಯೊಂದು ಮಾತು ನನಗೆ ದೀಕ್ಷೆ ;

ನೀನೆ ನನ್ನ ಮೊದಲ ಗುರು ಅತ್ಯುತ್ತಮ ಸ್ನೇಹಿತೆ ,
ಕೋಪದಲ್ಲೂ ಪ್ರೀತಿ ತೋರೋ ನೀನೊಬ್ಬಳು ದೇವತೆ ;

ನನ್ನನ್ನು ಮನುಷ್ಯನನ್ನಾಗಿ ರೂಪಿಸಿದ ಶಿಲ್ಪಿ ನೀನು ,
ಅದಕ್ಕೆ ಎಂದೆಂದೂ ಚಿರ ಋಣಿ ನಾನು ನಾನು ನಾನು ......:)

ಎರಡು ಕವನ

----------------------------------------------------------------------------------------------------------------------------------------------------
ಯುಗ ಯುಗ ಕಳೆದ ನಂತರ ಎರಡು ಜೀವಗಳ ಮಿಲನ.....
ಮೊದಮೊದಲ ಭೇಟಿಯ ಆತುರ ಕಾತರ ತಲ್ಲಣ :P
ಇಬ್ಬರೂ ಹಾಗೆ ಇದ್ದರು ಬದಲಾಗಿದ್ದು ಜೀವನ :)
ಮನದೊಳಗೆ ಮನಸೋ ಇಚ್ಛೆ ಹುಟ್ಟುವ ಕಲ್ಪನೆಗಳ ಹಗರಣ :ಪ
ಹಣೆಬರಹದ ಎದುರು ಹುಚ್ಚು ಪ್ರೇಮದ ಕದನ !!!
ಪ್ರೇಯಸಿಯ ಕಂಡ ಪ್ರಿಯಕರನಿಗೆ ಎಲ್ಲಿಲ್ಲದ ರೋಮಾಂಚನ....
ಕಣ್ಣೀರು ಆನಂದ ಭಾಷ್ಪಗಳ ಸಮ್ಮಿಲನ....
ವಿರಹದ ಬೇಯ್ಗೆಯಲಿ ಬೆಂದ ಜೀವಗಳ ತಣಿಸಿತು ಆಲಿಂಗನ .....
ವಿಧಿಯ ಮೂಕವಾಗಿಸಿತು ಮುಗ್ಧ ಪ್ರೀತಿಯ ನರ್ತನ!! :)


--------------------------------------------------------------------------------------------------

ಯುಗ ಯುಗ ಕಳೆದ ನಂತರ ಎರಡು ಜೀವಗಳ ಮಿಲನ.....
ಮೊದಮೊದಲ ಭೇಟಿಯ ಆತುರ ಕಾತರ ತಲ್ಲಣ :P
ಇಬ್ಬರೂ ಹಾಗೆ ಇದ್ದರು ಬದಲಾಗಿದ್ದು ಜೀವನ :)
ಮನದೊಳಗೆ ಮನಸೋ ಇಚ್ಛೆ ಹುಟ್ಟುವ ಕಲ್ಪನೆಗಳ ಹಗರಣ :ಪ
ಹಣೆಬರಹದ ಎದುರು ಹುಚ್ಚು ಪ್ರೇಮದ ಕದನ !!!
ಪ್ರೇಯಸಿಯ ಕಂಡ ಪ್ರಿಯಕರನಿಗೆ ಎಲ್ಲಿಲ್ಲದ ರೋಮಾಂಚನ....
ಉದ್ವೇಗದಿ ನಡುರಸ್ತೆಯ್ಲೇ ಜಗವ ಮರೆಸಿದ ಆಲಿಂಗನ ........................................:P :)
ದೀಪವು ಹಸಿರಾಗಲು ಇಬ್ಬರ ನೆಲಕ್ಕುರುಳಿಸಿತು ಏನು ಅರಿಯದ ವಾಹನ !!!!!!!!!!!!!!!!!!!!!!!!!

ಅವಸರವೇ ಅಪಘಾತಕ್ಕೆ ಕಾರಣ ಅವಸರವೇ ಅಪಘಾತಕ್ಕೆ ಕಾರಣ !!!!!!!!!!!
--------------------------------------------------------------------------------------------------

Good NIght Sweet dreams

ಮಲಗು ಮಲಗೇ ಓ ಗಗನ ಸಖಿ ...ಹಾರುವ ನಿನಗೂ ಬೇಕು ವಿಶ್ರಾಂತಿ
ಗೂಡು ಕೈ ಬೀಸಿ ಕರೆಯುತಿಹುದು ಬಾ ಬೇಗ...ತುಸು ಹೊತ್ತು ತೆರೆ ಮರೆಗೆ ಸರಿಯಲಿ ನೀ ಮಾಡುತಿರುವ ಕ್ರಾಂತಿ

ಕಣ್ಣ ರೆಪ್ಪೆಗಳು ಸೇರಲು ತವಕ ಪಡುತಿವೆ...ಅವುಗಳ ವಿರಹ ನಿನಗೆ ಕಾಣುತಿಲ್ಲವೇನು?
ನೈಜ ಲೋಕವ ಮರೆತು ಕೆಲವು ಕ್ಷಣ ಸಪ್ನಲೋಕದಲಿ ವಿಹರಿಸುವುದೂ ತಪ್ಪೇನು?

ರವಿಯು ಜಾರಿಹನು ಸಾಗರದ ಆ ತೀರಕೆ...ಇರುಳಲೇಕೆ ನಿನ್ನ ಹಾರಾಟ!
ನಾಳೆ ಎಂಬುದು ಎಂದಿಗೂ ಪ್ರಜ್ವಲಿಸುವುದು...ಜೀವನ ನಗುತಲೆ ಮಾಡಬೇಕಾದ ಹೋರಾಟ :)

!!ಏನು ಇಲ್ಲಾ!! :(

ಪಿಸುಮಾತಲಿ ಏನೋ ಹೇಳ ಬಯಸಿ ನಿನ್ನ ಸನಿಹಕ್ಕೆ ಕರೆದೆ
ಸನಿಹಕೆ ಬರುತ ಬರುತ ಹೂನಗೆಯೊಂದ ನೀ ಬೀರಿದೆ

ಎದೆ ಬಡಿತವು ಜೋರಾಗಿ ಸಿಡಿಲಬ್ಬರವ ಮಾಡಲು
ಆ ನಗೆಯ ಸ್ನಿಗ್ಧತೆಗೆ ನನ್ನ ಉಸಿರಾಟವು ನಿಲ್ಲಲು

ಮೂಕನಾಗಿ ಕಣ್ಣ ಪಿಳುಕಿಸದೆ ನಿನ್ನೇ ದಿಟ್ಟಿಸುತಾ ನಿಂತೆ
ಮನದಾಳದ ಮಾತನು ಎರಡೇ ಕ್ಷಣದಲಿ ಮರೆತೆ!

ಮೆಲುದನಿಯಲಿ ಕುತೂಹಲದಿ "ಏನೋ ಕರೆದಿರಿ?" ಅಂದೆ
ನನಗರಿಯದೆ, ಉಸಿರ ಬಿಗಿ ಹಿಡಿದು, ತೊದಲುತ "ಎ ಎ ಏನು ಇಲ್ಲಾ!" ಅಂದೆ :(

The WaitT!

ಎನಗೆ ನಿನ್ನ ಮೇಲೆ ಏಕೆ ಅಷ್ಟೊಂದು ಪ್ರೀತಿ
ಒಮ್ಮೆಯೂ ನೋಡಿಲ್ಲ ನಿನ್ನ, ನಿನ್ನ ನೋಡಲು ಕಾಯಲೆಬೇಕಂತು ಪ್ರಕೃತಿ

ಹಗಲಿರುಳು ನಿನ್ನ ಜೊತೆಯಲೇ ಇರುವೆ ಅಪರಿಚಿತರಲ್ಲ ನಾವು
ಸನಿಹವಿದ್ದರು ಮನದಲಿ ಪ್ರಶ್ನೆಗಳು ಹತ್ತು ಹಲವು

ನನ್ನ ಭಾಷೆ ನೀ ತಿಳಿಯೆ ನಿನ್ನ ಭಾಷೆ ನಾ ಅರಿಯೆ ಆದರೂ ಅರ್ಥವಾಗುತಿಹುದು ಎಲ್ಲವೂ
ದಿನ ಕಳೆದಂತೆ ಹೆಚ್ಚುತಿಹುದು ಪ್ರೀತಿ......... ಕಾಡುತಿಹುದು ಕಾತುರವು

ನನ್ನ ಕನಸಿನ ಅರಮನೆಯ ಬೆಳಗಿತು ನಿನ್ನ ಮುಗ್ಧ ಕಿರುನಗೆಯ ಕಲ್ಪನೆ
ನಿನಗೂ ನನ್ನ ಮೇಲೆ ಪ್ರೀತಿ ಹೆಚ್ಚಾಗಲು... ಹಿತವಾಗಿ ಸ್ಪರ್ಶಿಸುವೆ ಮೆಲ್ಲನೆ

ಅಷ್ಟು ಬೇಗನೆ ಎಂತಹ ಭಾವನಾತ್ಮಕ ಬಂಧ ....ಈ ಸಂಬಂಧವೇ ಅಚ್ಚರಿ !!
ನಾ ನಿನಗೆ ಜನ್ಮ ಕೊದುತಿರುವೆ ಅಷ್ಟೇ... ನೀ ಕೊಡುತಿರುವ ಉಡುಗೊರೆ ನನ್ನ ತಾಯ್ತನದ ಸಿರಿ :)

"ಮರೆವು ಕೂಡ ನಿನ್ನ ಮರೆಯಲು ಮರೆಯುವುದೋ ಏನೋ"

ನೆನಪಿನಂಗಳದಿ ನಡೆಯುತ ಚಿಕ್ಕ ಚಿಕ್ಕ ಕನಸುಗಳ ಒಂದೊಂದಾಗಿ ಸಂಗ್ರಹಿಸಿ
ಪ್ರೀತಿಯೇ ಸತ್ಯವೆಂದು ಕಾದಿಹೆನು ನಿನಗಾಗಿ ನನ್ನ ಹೃದಯವನು ಕಾಯ್ದಿರಿಸಿ

ವಿಧಿಯಾಟವೋ ಜೀವನದ ಪಾಠವೋ ದೂರಾಗುತಿರುವೆ ನೀನು
ಮರೆವು ಕೂಡ ನಿನ್ನ ಮರೆಯಲು ಮರೆಯುವುದೋ ಏನೋ

ನಾ ನಡೆದ ಹಾದಿ ಬೇರೆ ನೀ ಬಂದ ದಾರಿ ಬೇರೆ ಕನಸೆeತಕೆ ಒಂದೇ.. ಕನಸುಗಳೇಕೆ ಹೀಗೆ
ಹುಸಿನಗೆಯೋ ಮುಗುಳ್ನಗೆಯೋ ನಾನರಿಯೆ....ಆದರೂ ನಗುತಿರುವೆ ಸುಮ್ಮನೆ ಹಾಗೆ

ಭೋರ್ಗರೆಯುವ ಭಾವನೆಗಳ ಕಡಲಾಗಿಹುದು ಮನಸು... ಅದ ತಡೆಯಲು ನೀ ಇಲ್ಲ ಎಂಬುದೇ ದುರಂತ
ಉಸಿರಾಡುತಿದೆ ಮನದ ಮೂಲೆಯಲಿ ಎಲ್ಲೋ...ನಿನ್ನ ಸೇರುವ ಕನಸು ಇಂದಿಗೂ ಜೀವಂತ :)